Nasa irarom na kan winter snow warning an dakulang parte kan Estados Unidos. Sigun sa National Weather Service, na sa laog kan tolong aldaw, pwedeng makaeksperyensiya nin hasta 16 na pulgadang hibog kan yelo an New York City.
Huli digde, nagkapirang mga estado an nagdeklarar na nin state of emergency.Enot ng pigdeklarar ni Washington, DC, Mayor Muriel Bowser an state of emergency komo pagpepreparar sa epekto kan snow storm.
Pig-anunsyar man ni Philadelphia City Mayor Cherelle Parker an “Snow Emergency” kun saen matatapos sana ini kun magin marhay na an kamugtakan kan panahon. Nagdadakol man an numero kan mga kanseladong flights.
Basado kaya sa datos kan FlightAware na igwang labi 1,500 flights na an nakanselar kun saen 60 percent sa mga ini an gikan sa Dallas-Fort Worth International Airport.
Nagkapira sa mga lugar na piglalaoman na magkakaigwa nin mahibog na yelo iyo an Tulsa, Oklahoma, Louiseville, Kentucky asin Cincinnati, Ohio.
