Aram baya nindo mga ka-bombo, an orchard sa Virginia opisyal na naibulsa an titulo kan Guinness World Records para sa pinakamagabat na peach na nagpapakol sa 1.83 pounds.
Sigun sa Chiles Peach Orchard sa Crozet, pig-ani kan mga peach pickers an nasambitan ng prutas ngunyan sanang bulan nin September asin piglaoman na maipupuli an World Record huli sa gabat kaini.
Pigsaysay man ni Henry Chiles na dae man ninda intensyon na purbarang magpatalubo nin pinakadakulang peach alagad nakibagay man an panahon ngunyan na taon kun kaya nagparadakula soboot ini.
An nasambitan ng peach na an variety an bistado komo PF-27A an pigsumiter sa Guinness World Records na sa presente an pigkumpirmar komo world’s heaviest peach.
Sa ngunyan, nagpa-abot man nin pasasalamat an Chiles Peach Orchard sa Guinness World Records para sa nasambitan ng pagbisto.
