Aram baya nindo mga ka bombo sarong dakulang sinkhole an nadiskubre sa sarong omahan sa halangkaw na parte kan San Juan sa Siquijor.
Pigsabing nahiling an sinkhole sa sarong palayan sa Sitio Pilapil, Barangay Napô.
Tolos man na nagduman sa lugar an mga personahe kan San Juan Municipal Disaster Risk Reduction and Management Office (MDRRMO) asin piglaagan nin dilaw na ulang komo patanid sa mga residente tanganing malikayan an posibleng aksidente.
Kan Setyembre 26, 2025, ininspeksyon kan mga municipal personnel an lugar kaiba an mga opisyal kan barangay.
Pinagbawalan man soboot ninda an mga netizen na nagsasabing gibuhon tourist spot an lugar.
Sigun ki San Juan Mayor Rubilyn Maata Ragay, padagos an pagsagibong pag-analisar kan mga lokal na gobierno tanganing matukdo kun saen na parte pa kan daga an salbado asin pupwedeng tanuman.
Pigdumanan man kan mga lokal na opisyal an nagkapirang residente na harani sa sinkhole tanganing tawan nin patanid sa mga peligro na pupwedeng magin kawsa kaini.
