NAGA CITY- Ipinaarestar kan saiyang ina an saiyang daragang aki makalihis maaktuhan na naggagamit nin ilegal na droga sa Candelaria, Quezon.
Binisto an suspek na si Charlene Julita, 22-anyos.
Sa nagunong impormasyon kan Bombo Radyo Naga, napag araman na mismong an ina kan suspek an nag-apod sa hepatura kan PNP Candelaria tanganing ireklamo na naggagamit nin iligal na droga an saiyang aki sa likudan kan saindang harong sa barangay Pahinga Norte.
Tulos na nagresponde an mga kapulisan asin naaktuhan an nasambitang daraga mantang naggagamit nin pigpapangalad na bulong.Narekober sa suspek an mga drug paraphernalia.
Sa ngunian, nagtitinir na sa kostudiya kan mga kapulisan an suspek mantang pig-aandam na an kasong isusunad kontra digdi.
