NAGA CITY– Irido an sarong daraga makalihis makasabit an nilulunadan kaining motorsiklo sa sarong tricycle sa kalabaan kan Maharlika Highway sa Purok 1, Barangay Bulala, Santa Elena, Camarines Norte.
Binisto an naisrido na si Noelyn Narzoles, 18 anyos.
Sa nagunong impormasyon kan Bombo Radyo Naga napag araman na binabagtas ni Felamer Pensader, 51 anyos asin kan backrider kaini na si Norzoles lunad nin motorsiklo an kalabaan kan nasambitan ng tinampo kan bigla ining makasabit sa naglikong tricycle na minamaneho man ni Frederick Requiron, 38 anyos.
Huli digdi, nagsapo nin lugad sa saiyang bitis an backrider kan motorsiklo na tulos idinalagan sa ospital tanganing ipabulong.
Sa ngunian, nagpapadagos pa an imbestigasyon kan mga otoridad sa nasambitan ng insidente.
