NAGA CITY – Mayong herak na nilugusan asin pinagsasaksak kan sarong lalaki an daraga sa laog kan boarding house sa Balatas, Naga City.
Sa entrevista kan Bombo Radyo Naga ki PSenior Master Sgt. Tobby Bongon, tagapagtaram kan Naga City Police Office (NCPO), sinaysay kaini na kasubagong mag-omagahon kan nilaog kan suspek na si Marvin Magdasoc, 33-anyos an kwarto kan biktima asin duman ginibo an panlulugos.
Dae pa nakuntento si Magdasoc, pinagsasaksak pa kaini an daraga sa manlaen laen na parte kan saiyang lawas na tulos man na idinalagan sa ospital.
Mientrastanto, sa follow up operation kan kapulisan, nadakop an suspek asin ngunian nasa kustodiya na kan mga otoridad mantang nagpaparahay naman sa ospital an nasambitan ng biktima.
Sa ngunian, nagpapadagos pa an imbestigasyon kan mga otoridad dapit sa nasambitan ng pangyayari.
