NAGA CITY- Nagsuko sa National Bureau of Investigation (NBI) Camarines Sur an dating alkalde kan banwaan nin Caramoan, Camarines Sur asin body guard kaini na suboot mga suspek sa panggagadan kan taong 2001.
Sa entrevista kan Bombo Radyo Naga ki Rizaldy Jaymalin, agent in charge kan NBI-Camarines Sur, kinumpirmar kaini an pagsuko sa saindang opisina ni Caramoan
Mayor Marilyn Co asin bodyguard nito na si dating SPO2 Ramil Arañas.
Sigon ki Jaymalin, nagpaluwas nin warrant of arrest si Judge Ma. Angela Arroyo kan RTC Branch 58-San Jose laban sa dating alkalde asin sa mga bodyguards kaini.
Mahigot man an pigpapautob na seguridad sa opisina kan NBI makalihis na tugutan kan korte an petisyon ni Co na paramientras na mantenir sa saindang kustodiya mantang nakakarsel man sa Bureau of Jail Management and Penology (BJMP) an bodyguard kaini.
Napag-araman na taong 2001 kan pagbabadilon gadan sa hampang kan saindang harong an sarong Miguel Antonio Francia kan mga bodyguards suboot ni Co na sinda Sgt. Roberto Reyes asin sarong John Doe.
Motibo suboot sa nangyaring panggagadan an pagbalyo ni Francia sa kalaban sa pulitika kan dating alkalde.
