Binawian nin buhay si dating Department of Public Works and Highways (DPWH) Undersecretary Catalina Cabral makalihis na ini an madukayan sa hararom na na ito ay parte kan Kennon Road sa Tuba, Benguet.
Pigkumpirmar ini kan kapulisan sa Benguet makalihis an insidente kasuudma, Disyembre 18.
Basado sa inisyal na imbestigasyon kan mga otoridad, pasiring si Cabral sa La Union alagad pag-abot sa Maramal, Camp 5,Camp 4 nagpawalat ini nin pasado alas tres nin hapon.
Binalikan ini kan driver, pasado alas-5 nin hapon alagad dae kaini mahiling an dating DPWH official
Kaya pag-abot nin alas-7 nin bangi, nagpatabang na ini sa kapulisan asin duman nahiling si Cabral na yaon sa rarom na 30 metro na bangin asin mayo na nin buhay.
Kaibahan si Cabral sa pigrekomendar kan Independent Commission for Infrastructure (ICI) na makasuhan huli sa pagkakaimbwelto sa anomalya sa mga flood control.
Huli digde, pigsugo na kan Office of the Ombudsman an Benguet Police na i-secure an mga gadget siring kan cellphone ni Cabral.
Mantang padagos an ginigibong imbestigasyon kan mga otoridad sa nangyaring insidente.
