Dating drug surrenderer arestado sa anti-illegal drugs ops sa CamSur; 10 sachet kan pigtutubudang shabu narekober

Arestado an sarung drug personality sa ipigkundusir na search warrant operation sa Barangay San Rafael, Bato, Camarines Sur.

Binisto an suspek na si Frederex Resuena, 35-anyos, suboot dating surrenderee sa oplan tokhang.

Sa nagunong impormasyon kan Bombo Radyo Naga gikan sa Bato-PNP, napag-araman na narekober hale sa suspek an 10 sachet kan pigtutubudang shabu.
Huli sa nangyari, nakumpirmar kan mga otoridad na imbwelto pa giraray an suspek sa illegal na droga.

Sa ngunyan, padagos pa an imbestigasyon kan mga otoridad tanganing maidentify pa an ibang mga personang imbwelto sa transaksyon nin illegal na droga sa lugar, mantang sinusunadan na an suspek nin kasong pagbalgar sa RA 9165 o Dangerous Drugs Acts of 2002.