Maogma na pigheras ni Senator Christopher “Bong” Go kan nakalihis na aldaw nin Sabado na nakaluwas na nin ospital si dating Executive Secretary Salvador Medialdea na pirang aldaw man na na-confine sa hospital sa The Hague, Netherlands.
Successful soboot an nagin medical heart procedure na ginibo ki Atty. Medialdea, alagad kaipuhan muna ining magtinir nin anom na semana huli man ta dae pa ini pwedeng bumyahe.
Nagpasalamat man ini sa mga kababayan na soboot nangadyi asin padagos pang nangangadyi para sa salud kan dating executive secretary.
Kasabay kaini, padagos na nangapudan si Sen. Go na ipangadyi man an kasalbaduhan, salud orog na an kalayaan ni dating Presidente Rodrigo Duterte na nakakulong sa ICC detention facility huli sa pigkakaatubang na kasong crimes against humanity.
Piglalaoman an proceedings sa maabot na bulan kan Setyembre 2025.
