NAGA CITY– Prangkang sinaysay ni dating National Bureau of Investigation (NBI) – NCR Director Ricardo Diaz na igwa nin kaangutan sa saiya an Philippine National Police (PNP) kung kaya idinamay siya sa kasong may koneksyon sa pagdukot asin pagadan sa sarong Korean Businessman.
Sa eksklusibong entrevista kan Bombo Radyo Naga ki Diaz, sinaysay kaini na aram kan Diyos na mayo siya nin ginibong maraot.
Kan panahon soboot na nag-iimbestigar sinda sa pagdokot sa negosyanteng si Jee Ick Joo, nabuksan ninda an katotoohan na gadan na an biktima na pirit pigtatago kan PNP.
Huli sa nabuyagyag na impormasyon, nagkariribok soboot sa Camp Crame kung kya ini an saro sa mga rason kung tano ta naguyod an saiyang pangaran asin an mga kaibanan kan opisyal.
Sigon ki Diaz, nawaran siya nin trabaho asin naraot an piglilikayan niyang reputasyon huli sana sa salang gibo kan mga taong mawot takpan an ginibong krimen.
Sa ngunian, nagpupuon na soboot siyang makatindog giraray alagad tinawan duon ni Diaz na dae na siya interesado pang magbwelta sa saiyang posisyon.
Kung marurumduman, sinunadan nin kaso si Diaz asin sinda dating NBI Deputy director Jose Yap asin hepe kan NBI Task Force against Anti-illegal drugs chief Roel Bolivar huli sa pagkakaembwelto soboot sa pagkagadan kan korean businessman.
