Pigsierto ni dating PNP Chief Oscar Albayalde an saiyang preparasyon enkaso dagusan man ining arestaron kan International Criminial Court (ICC), kasunod kan primerong pag-arestar ki dating Presidente Rodrigo Duterte.
Enot nang pigbuyagyag ni ICC Assistant to Counsel Kristina Conti an posibilidad kan pagluwas man nin warrant of arrest kontra ki dating Police Director asin ngunyan Senator Ronald Dela Rosa asin Albayalde kasunod kan pagluwas asin pag-isyu kan warrant ki dating Presidente.
Sa sarong entrevista, pigsabi ni Albayalde na nagpepreparar man ini sa anuman na posibleng mangyari. Enkaso isusuko man ini kan gobiyerno, mayo na soboot ining magiginibo pa.
Siringpaman, nanindugan an dating PNP Chief na pinagsirbihan kaini an gobyerno nin haros 38 taon, asin kun ini man an magigin kabayadan kan gobyerno soboot saiya, kaipuhan na sanang akuon pa.
Nagtutubod man an heneral na sarong maraot na precedence an pag-suko sa sainda ni huli ta kun kaya sana sindang isuko sa ibong soboot kan nagin sakripisyo, pano pa kaya soboot an mga ordinaryong kahinanwa. Si Albayalde an dating nagsirbi komo PNP Chief kan katahawan kan termino kan dating Presidente.
Ipinag-padagos man kaini an mahewasang kampaniya kontra sa iligal na droga na dating pinuonan ni Sen. Dela Rosa.
