Dating pinakamatagal na Republican House Speaker kan US na si Dennis Hastert, pumanaw na sa edad na 84.
Kinumpirma kan saiyang kampo na natural cause an ikinagadan kan dating opisyal.
Si Hastert nagserbe bilang House Speaker poon 1999 sagkod 2007, kun sain nagtabang siya sa pagpasa kan mga agenda ni dating US President George W. Bush.
Alagad, nadungisan an saiyang political career huli sa akusasyon nin pangmomolestiya.
Siya inakusaran na nangmolestiya nin sarong high school athlete na saiyang tinutukduan bilang wrestling coach.
Huli kaini, nahatulan siya kan 2016 asin nakulong nin labi sa sarong taon.
Si Hastert an saro sa pinakahalangkaw na ranggong Amerikanong politiko na nakulong.
Bago an saiyang karera sa politika, nagin matrayumpo man siya bilang sarong wrestling coach asin mambabatas sa Illinois.
