Naghakot si Anthony Davis nin nasa 26 points, 16 rebounds, 7 assists asin 3 blocks sa saiyang Mavericks debut antes iluwas sa third quarter huli sa lower-body injury sa saindang 116-105 na kawat kontra sa Houston Rockets.
Ini an enot na salang ni Davis puon kan Enero 28 huli sa sarong abdominal strain asin nairehistro an anom sa enot na 14 points kan Dallas (28-25).
Nahugot kan Mavericks an 31-anyos na si Davis gikan sa Los Angeles Lakers kaibahan si Max Christie karibay ni superstar Luka Doncic.
Nakapagrehistro si Alperen Sengun nin nasa 30 points asin igwang 24 markers si Fil-Am guard Jalen Green para sa Houston (32-20) na nahulog sa sarong six-game losing slump.
Makalihis na makadukot an Rockets sa 100-104 gikan sa 21-point second-quarter deficit sa 2:43 minuto kan fourth period an nagsalpak si Kyrie Irving nin duwang free throws para sa 106-100 bentahe kan Mavericks.
An ikaapat na three-point shot ni Christie an nagrayo sa Dallas sa 109-100 sa huring 1:38 minuto.
