Pigtutulan ni Miss Universe 1993 Dayanara Torres an nagin pahayag ni reigning Miss Universe (MU) Fatima Bosch dapit sa importansiya kan “good passport” na saro sa mga soboot bagong requirements kan MU tanganing maipuli kan kandidata an korona.
Sigun kaya ki Fatima, na pig-uyunan ni Miss Universe Organization (MUO) president Raul Rocha na kaipuhan kan mga kandidata kan marekas na access sa pagbiyahe huli sa papel na piggagampanan kan sarong reigning queen, saro na digde an paglibot sa bilog na kinaban tanganing ipabisto an organization asin mga adbokasiya kan kumpanya.
Alagad para ki Dayanara, dae ulang sa mga kandidata an saindang visa o passport tanganing manggana kan MU. Pigtuligsa man kan dating MU an ideya na pwedeng makaapektar an isyu kan visa tanganing magbali an sarong kandidata sa nasambitan ng prestisyosong pageant.
Sarong bulan makalihis an kapangganahan ni Fatima komo MU, padagos an mga kritisismo asin mga isyu kan alegasyong pandadaya asin an soboot negosyo kan ama ni Fatima na igwang koneksyon ki Raul.
An mga isyung ini an pinalala pa kan dae pagkakatugma sa mga panundunan kan pageant.
Alagad maski nahahampang sa mga kontrobersiya, pigtawan duon pa man ni Fatima na ini an nangganan nin mayong halong pandadaya.
Marurumduman si Fatima an pigkoronahan sa Bangkok, Thailand, kun saen saro sa mga host kan pageant si Dayanara, kaibahan si Miss Universe 2023 R’Bonney Gabriel.
