Nakipaghilingan si dating senador asin presenteng Liberal Party-list Rep. Leila de Lima ki Ramil Madriaga sa saiyang detention facility kan Disyembre 8, pirang aldaw antes na magluwas an affidavit kaini na nag-aakusar ki dating Presidente Rodrigo Duterte nin pag ako soboot nin pondo gikan sa mga Philippine Offshore Gaming Operators (POGO) asin drug dealer’s para sa dati kaining kampanya.
Sigun ki De Lima, hinapot kaini si Madriaga kun may ebidensiya ining mapatibay sa mga alegasyon, kabali na an mga sugo na pig resiber gikan ki Duterte, Vice President Sara Duterte, asin Col. Nolasco.
Sinaysay soboot ni Madriaga, igwa ining ebidensya tangani suportaran an saiyang mga alegasyon.
Pigheras man kan Kongresista na nakaresiber ini nin sarong surat gikan ki Madriaga, na ipinadara kan Nobyembre 17, na naghahagad nin tabang katakod sa saiyang kaso.
Sigun kaya ki Madriaga, piggigipit ini huli sa mga akusasyong pigsunad laban ki Atty. Harry Roque. Dugang pa ni De Lima na dapat surion kan Office of the Ombudsman an mga pahayag ni Madriaga asin siertuhon an kasalbaduhan kaini mantang nasa piitan.
