Pwedeng magin basehan para sa panibagong impeachment complaint kontra ko Vice President Sara Duterte an bagong mga reklamong pigsunad kontra sa saiya asin sa 15 iba pa sa Ombudsman, sigun ki Mamamayang Liberal (ML) Party List Representative Leila De Lima asin sarong grupo.
An mga reklamong pigsunad sa Ombudsman iyo an plunder, graft, bribery, asin malversation huli sa soboot sistematikong salang pagmamanehar kan P612.5 milyon na confidential funds.
Kun saen kaibahan sa pigsunadan nin reklamo sinda OVP chief-of-staff Zuleika Lopez asin dating DepEd undersecretary Michael Poa.
Sigun sa saro sa mga complainant, matibay an ebidensiyang kapot ninda na pwedeng mapuli sa kaso sa Sandiganbayan o impeachment case.
Sinang-ayunan ni Rep. Leila de Lima an pahayg kan complainant na mas makusog asin mas nakatuon sa ebidensiya an mga bagong reklamo kontra sa Bise Presidente.
Sigun ki De Lima, na pwede mang magsirbeng basehan para sa impeachment.
Mientrastanto, naenot ng pinahimutikan kan Panduwang Presidente an akusasyon asin inapod ining “fishing expedition” asin hurot kaining igwang bastante na ebidensiya asin testimonya na masuporta sa saiya.
