Bakong garantiyang epektibong solusyon an death penalty tanganing matapos an korupsiyon sa nasyon.
Ini an pigtawan-duon kan Commission on Human Rights (CHR) sa tahaw kan pigbubusol na prosopwestong ley sa Kamara de Representantes na House Bill No. 11211 o Death Penalty for Corruption Act, an padusang kagadanan sa paagi kan firing squad para sa mga tiwaling opisyal kan gobyerno.
Aniya, alagad maski an intensiyon kan prosopwesto an tanganing takuton an public official tanganing makalikay na mangurap, nagtutubod an CHR na bako ining epektibong solusyon.
Sigun sa komisyon, sarong grave offense an korupsiyon, alagad sinaysay man kaini na dae masisimbagan kan nasambitan ng madahas na padusa an problema sa korupsiyon imbes an uulangan kan prosopwesto an pangangaipuhan para sa sistematikong reporma asin piglilihis kaini an pokus gikan sa preventative measure siring kan pagpapatibay kan mga mekanismo sa paninimbagan asin governance systems.
Nagpagiromdom man an CHR sa House leaders na ipinagbabawal an death penalty sa irarom kan 1987 Constitution.
