Nag-apelar an South Korean prosecutors na patawan nin kapadusahang kagadanan si dating South Korean President Yoon Suk-yeol katakod sa panandalian asin nabigong deklarasyon kan martial law kan Disyembre 2024.
Kan Martes, natapos na an criminal trial ni Yoon na naghaloy nin 11 oras para sa insurrection, abuse of powe asin iba pang mga pagbalgar katakod sa saiyang deklarasyon.
Sa closing remarks, pig-akusaran kan prosecutors si Yoon kan pagigin ringleader kan “insurrection” na nagbunsod sa pagnanasa sa kapangyarihan para sa dictatorship asin panghaluyang pamumuno.
Pig-akusaran man kan prosekusyon si Yoon na dae soboot nagpapahiling kan pagsisisi sa mga aksiyong nagibo kaini na pigbugtak sa banta an constitutional order asin demokrasiya, kun saen an pinaka-biktima kan insurrection an mga namamanwaan kan saindang nasyon.
Kawsa kaini, pigtawan duon kan prosekusyon na mayong mitigating circumstances an maikokonsiderar sa paghatol sa dating Presidente asin dapat patawan nin matinding kapadusahan.
Pigdepensaran man kan dating South Korean President an saiyang sadiri asin nanindigang ginibo sana kaini an saiyang lawful authority komo president asin an saiyang ginibo bako sarong military dictatorship para pugulan an namamanwaan kundi tanganing maproteheran an kalayaan asin soberaniya kan saindang nasyon asin buhayon an constitutional order.
Nakatalaan ibaba an hatol kan korte sa kaso Yoon sa Pebrero 19 kan presenteng taon.
