NAGA CITY- Padagos pa man giraray an paglobo kan numero kan casualty sa Bicol huli sa nagin epekto kan Bagyong Usman.
Sa latest data kan Office of the Civil Defense (OCD)-Bicol, nag-abot na sa 122 an kabilugang numero kan mga nagadan huli sa drowning asin landslide incidents gikan sa manlaen laen na probinsya.
Nanagengenot pa man giraray digdi an Camarnes Sur na igwang 75 reported deaths kunsaen 32 digdi an gikan sa Sagñay mantang 22 naman sa Buhi.
Sinusundan ini kan Albay na may 18 patay, Camarines Norte na may 14, walo sa Sorsogon asin pito sa Masbate.
Maabot man sa 23 an nagtitinir na missing mantang nasa 89 an nairehistrong nairidu.
Mientrastanto, nasa irarom pa man giraray kan state of Calamity an apat na probinsya sa nasambitan ng rehiyon.
