Pigbeberipika na kan National Disaster Risk Reduction and Management Council (NDRRMC) an mga naireport na nagadan sa Metro Manila huli sa epekto kan habagat asin nakalihis na bagyong Bising na nagdara nin mga pag-uuran na nagkawsa man nin mga pagbaha sa pirang parte kan nasyon sa mga nakalihis na aldaw.
Naenot ng naireport na sarong aking babae an nagadan makalihis matangay sa tubig-baha sa kasagsagan kan saindang pag-ebakwar sa Las Piñas City kan Martes nin pagkabanggi.
Sa panibagong report man gikan sa ahensiya, nagpakol na sa 32,606 na pamilya o katampad kan 103,274 indibidwal an naapektaran sa mga kalamidad gikan sa 61 barangay sa NCR, Ilocos Region, Central Luzon asin Cordillera Administrative Region (CAR).
Sa presente, sigun sa NDRRMC, nagtitinir sa mga evacuation center an nasa 104 na pamilya o 419 indibidwal mantang labi 1,000 pamilya man o labi 3,000 indibidwal an pigtabangang sa luwas kan evacuation centers.
