Pigkakahaditan na madudugangan pa an numero kan mga binawian nin buhay huli sa pagtama kan makusog na linog sa Myanmar.
Marurumduman, pigyugo-yugo kan magnitude 7.7 na linog an Myanmar asin Thailand kasuudma na nagin kawsa sa pagkagadan kan kadakol man na tawo.
Sa Myanmar, nagpakol na sa labi 100 na indibidwal an binawian nin buhay asin 730 katawo an lugadan mantang kadakol pa an pinagtutubudan na na-trapped sa nagrasay na mga buildings.
An nasambitan man na linog an nagdara nin pagkaraot sa mga tulay, tinampo asin pagrasay kan nasa 30-storey skyscraper na under construction sa Bangkok, Thailand.
Sigun ki Junta chief Min Aung Hlaing padagos an saindang pangapudan sa international aid sa tahaw ini kan nangyayari civil war sa saindang lugar.
Mientrastanto, nagpakol naman sa nasa 10 katawo an naireport na nagadan sa Thailand huli sa nasambitan ng linog
Sa ngunyan, padagos na pigpapalikay kan gobierno nin Thailand an mga residentes na padagos na magmonitor sa mga latest na kaganapan.
