Nagpakol na sa 16 katawo an winalat na gadan kan Hurricane Milton sigun sa opisyal sa Florida.
Nasa 6 sa binawian in buhay gikan sa St. Lucie County, 4 sa Volusia County, 2 sa Pinellas County asin tigsaro sa Hillsborough, Polk, Orange asin Citrus counties.
Labi sa 2 milyong kaharongan asin negosyo man an nawaraan nin suplay kan kuryente.
Ini makalihis na pabagsakon kan hurricane an pirang linya kan kuryente mantang pira man sa mga lugar na inagihan kan bagyo an nagtitinir na lubog sa baha.
Alagad maski ‘significant’ o dakula an nagin epekto kan hurricane, nagpasalamat man si Florida Governor Ron DeSantis na bako ining worst case scenario.
Nagpapadagos man an search operations kan nakalihis na Biyerned kun saen sigun ki Gov. DeSantis nasa 1, 600 katawo an naibakwar na sa salbado na lugar.
Sa sarong White House briefing man, pigsaysay ni US President Joe Biden na pigkarkulo kan mga eksperto na mapakol sa $50 billion an kantidad kan danyos kawsa kan hurricane.
Nakatalaan man na bibisitahon ni Biden an Florida ngunyan, Domingo, Oktubre 13.
