NAGA CITY- Maabot suboot sa haros 15,000 na mga deboto an nagbulos sa ciudad nin Naga katakod kan kapistahan kan Itom na Nazareno.
Sa entrevista kan Bombo Radyo Naga ki SPO2 Toby Bongon, tagapagtaram kan Naga City Police Office (NCPO), sinaysay kaini na sa saindang pagtatala, nagpakol sa haros 15,000 an mga deboto kan Poon na nakisumaro sa prusisyon asin kapistahan suodma.
Taon-taon man suboot nadudugangan an nairerehistro nindang mga deboto kan Itom na Nazareno na nagpapasiring sa ciudad na hale pa sa manlaen laeng banwaan sa Camarines Sur.
Basado man sa datos na itinao ni Rene Gumba, pamayo kan Public Safety Office (PSO), sinaysay kaini na igwa nin sarong deboto an nawaran nin pagmangno sa katahawan kan prusisyon subanggi alagad tulos man ining natawan nin maninigong atensyong medikal kan mga nakaantabay na rescue teams.
