Pigkokonsiderar kan Department of Information and Communications Technology (DICT) an mga deepfake na sarong mayor na banta sa maabot na 2025 na eleksyon.
An mga deepfake pigsasabing mga Artificial Intelligence-generated audio o visual materials na piggagamit sa pagkopya kan mga imahe o pagtaram kan sarong tawo, lugar o pangyayari.
An teknolohiyang ini pwedeng gamiton suboot sa paggibo nin mga pekeng video nin mga personalidad na magiging kawsa nin mga sala asin gibo-gibong pahayag.
Sigun pa sa DICT, nag-alokar nin P10 milyones an DICT para sa taunan na subscription kan sarong aplikasyon na dakula an maitatabang sa gobyerno tanganing marikas na madeterminaran an fake content online.
Dugang pa kaini na an aplikasyon bako sana para sa maabot na pirilian kundi para man sa iba pang bagay.
