NAGA CITY– Naabo an sarong delivery truck makalihis masulo sa may parte nin Barangay Tambo, Pamplona, Camarines Sur.
Sa entrevista kan Bombo Radyo Naga ki P/Insp. Greg Bascunia, Chief of Police (COP) kan Pamplona PNP, sinaysay kaining biglang ipinarada kan driver an nasambitan ng
lunadan makalihis mahiling na nagkakalayo na an nagkapirang parte kaini.
Tulos man nagresponde an mga kabuhan kan Bureau of Fire Protection (BFP) alagad natumtom man giraray an bilog na lunadan.
Sigon ki Bascunia, hali sa Metro Manila an nasambitan ng lunadan asin pasiring kuta na sa syudad nin Naga kan biglang masulo.
Sa ngunian, inaaram pa kan mga otoridad an rason kan kasulo asin danyos na winalat kan nasambitan ng insidente.
