Harani na soboot mag-anunsiyar nin dengue outbreak si Department of Health (DOH) Secretary Ted Herbosa nin huli ta nasa outbreak levels na soboot an dengue cases na nairehistro ninda sa nasyon.
Sinaysay ni Herbosa na nakaulay kaini an director kan Epidemiology Bureau (EB) kan DOH asin sinaysay kaini nasa outbreak levels na an dengue.
Huli digdi, laoman na soboot na madeklarar na ini nin dengue outbreak. nagsayuma muna si Herbosa na magtao pa nin dugang na impormasyon sa isyu alagad base sa iniluwas na datos kan DOH kasuarinsana, hasta kan Agosto 3, 2024, an dengue cases na naikurit sa bilog na nasyon an naglangkaw nin 33%, o gikan sa 102,374 sana an nagin 136,161.
Siringman, nakapagrehistro man an DOH nin mas diit na dengue deaths ngunyan na taon, na nasa 364 sana, gikan sa 401 kan nakalihis na taon.
