Pigheras kan aktor na si Dennis Trillo na an napangganahan kaini na cash prize gikan sa pagigin Best Actor Award sa 2024 Metro Manila Film Festival Gabi ng Parangal, sa mga Persons Deprived of Liberty (PDL’s).
Sa social media account kan manager ni Dennis na si Jan Enriquez, maogma kaining pigheras sa publiko kun paanong si Dennis asin an misis kaini na si Jennylyn Mercado an nagdonate nin bilog na kantidad kan cash prize na nakua kaini gikan sa awards night kan December 27.
Istroya sa saiyang post, ini an nasugo na magresiber kan cash prize kan aktor na tulos man soboot kaining inabot kay JC Rubio na may koneksyon sa mga grupo kan PDL kun saen hango asin inspired an ‘Tree of Hope’.
Sa huri, nagpasalamat an manager kan aktor sa kabutihang taglay kaini kun saen, talagang naisabuhay ni Dennis an adal na saindang tinatampok sa saindang film na ‘Green Bones’.
