Pig-ako kan Department of Education na kulang na kulang an numero kan mga rehistradong guidance counselor sa mga pampublikong eskwelahan.
Sigun ki Assistant Secretary for Operations Joyce Andaya, igwang 5,000 plantilla items an nakalaan, alagad labi 1,000 sana an napapanoan para sa labi 40,000 eskwelahan sa nasyon.
Basado sa Guidance and Counseling Act of 2004 (Republic Act 9258), kaipuhan nin bachelor’s degree asin master’s degree sa guidance and counseling o katakod na disiplina antes makakua nin lisensiya komo guidance counselor.
Sa presente, nasa P40,000–P50,000 an entry-level salary para sa posisyon.Pigtawan-duon ni Presidente Ferdinand Marcos Jr., sa saiyang SONA an pangangaipugang dugangan an guidance counselors tanganing makatabang sa mga estudyanteng nakaka-eskperyensiya nin depresyon asin bullying.
Apwera digde, naghagad man nin tabang an DepEd-NCR sa kapulisan tanganing magronda sa luwas kan mga eskwelahan tuyong ralaogan asin urulian.
Nakikipag-koordinar man an ahensiya sa mga LGU asin barangay tanganing masierto an kasalbaduhan kan mga estudyante.
