Mapautob nin make-up class sa mga estudyante an Department of Education (DepEd)-Bicol.
Sa naging paghamapng sa mga kagawad kan media ni Dr. Gilbert Sadsad, Regional Director kan DepEd-Bicol, sinaysay kaini na saro na ini sa modality sa saindang pig-aadaptar.
Alagad, nanutaran man kan saindang departamento na bakong gabos nin eskwelahan an igwa nin modules orog na an mga binaha huli sa mga raot nin panahon kun saen, maski pa nagpapautob nin suspensyon nin face to face class an gobierno asin magsagibo na sana nin available na modality, an ibang eskwelahan mayo man nin panribay.
Sigun ki Sadsad, plano kuta kaining i-extend an school year kun saen, tatapuson an bilog na durasyon kan bulan kan Abril alagad huli sa papaabuton na eleksyon, maapektaran kaini an nasa poco mas o menus 30,000 teachers na maserbe komo board of election inspectors, kun saen magkakaigwa sinda nin Training puon Marso hasta Abril.
Karibay kaini, masagibo na sana nin make-up class an mga eskwelahan partikulamente na sa siyudad nin Naga, mantang an iba man na eskwelahan an ma-extend na sana nin sarong oras kada aldaw tanganing mapanoan an mga nasayang na oras kan klase.
