NAGA CITY – Nakaguno nin labi sa P200 million na budget an DEPED-Bicol kan nakalihis na Brigada Eskwela.
Sa paghampang sa mga Kagawad kan Media ni Dr Gilbert Sadsad, Regional Direcor, DEPED Bicol, sinaysay kaini na basado sa report sa nagin closing, an equivalent ammount value kan mga donasyon na pigheras kan manlaenlaen na mga stakeholders an kabilogang nasa P228.7 million.
Ini pigbibilog kan mga pigheras na laptops, computers, health equipments, construction materials asin mga instructional materials siring kan workbooks. Direkta ining pigtao kan mga donors sa mga eskwelahan siring kan Bacacay East Elem School, Elementary Schools sa Malilipot Albay asin sa Camalig North.
Apwera kaini, nagheras man nin 50k in cash sa nasambitan ng mga eskwelhan. Pigtawan duon pa kan opisyal na an mga nasa low emergent na mga estudyante, masagibo man nin summer activity, asin an pig implementar na intervention program na nagpopokus sa pagbasa asin arithmitic an padagos na ibubusol sa nasambitan ng level kan mga estudyante.
Mientrastanto, plano pang iimplementar ninda an inaapod na ARAL o an Academic Recovery And Accessible Learning Program, na obhetong mataong suporta sa mga aki na identified na struggling learners.
Ini an naipasang ley na kaipuhanong makapag-implement kan nasambitan ng alternative recovery.
