NAGA CITY- Pigpaliwanag kan Regional Director kan DepEd-Bicol an proseso kan paghire sa mga paratukdo.
Sa nagin paghampang sa mga kagawad kan media ni Dr. Gilbert Sadsad, Regional Director kan DepEd-Bicol, sinaysay kaini na nagkakaigwa nin selection process kun saen kaipuhan na magtao nin dokumentos an mga nag-aaplay asin ini an ia-assess kan selection committee.
Basado soboot sa resulta kan ranking, digde sinda makua nin paratukdo na occupant kan items na pigtatao kan gobierno. Katakod digde, sa Elementary igwang scheme kun siisay an prayoridad na i-hire, ini soboot an pig-aapod na localization kun saen priority an teachers na nakaistar sa lugar kun saen kaipo man nin paratukdo.
Pig-aaplay sa nasambitan ng proseso an localization law. Mantang para man sa High School, subject area priority kun saen an mga pighire na teachers nagtutukdo kan subject na kaipuhan sa eskwelahan.
Dugang pa kan opisyal, igwa man nagkapirang considerations sa paghire kan mga paratukdo huli ta an Department of Education igwang partnership sa DOLE kun saen an mga nagpupuli na OFW an igwang allocatation items; igwa man mga DOST scholars; 4PS na pigtatabangan; PWD na pigtatabangan. Pigtawan duon pa ni Sadsad na kaipuhan mapanuan an pangangaipuhan kan eskwelahan sa pigsasagibong hiring process sa Division Office.
Sa ngunyan, an mga paratukdo sa bilog na Region V an nagpakol na sa 66,000.
