NAGA CITY – Consistent na awardee an DepEd-Iriga sa selyo kan kahusayan sa paggamit kan wikang Filipino.
Sa entrevista kan Bombo Radyo Naga ki Rommel Velasco, Head Teacher I, Alternate Division Information Officer, DepEd-Iriga, sinaysay kaini na an saindang opisina an talagang naggagamit nin Filipino language orog na ngunyan na bulan nin Agosto katakod sa pagselebrar kan Buwan ng Wika.
Dugang pa kaini na consistent man an DepEd-Iriga komo awardee sa selyo ng kahusayan sa Filipino, kun saen pig-required man sa gabos na eskwelahan kan siyudad na an gabos na mga labels an dapat naka-Filipino kaibahan na an manlaen-laen na ahensiya kan lugar.
Pigtawan-duon pa ni Velasco na pirmi nindang piggagamit an Filipino language magin sa mga simpleng programa sana siring kan flag ceremony asin iba pang aktibidad sa saindang opisina, maski na ngani English teacher ini pag yaon soboot an saiyang pangaran sa program talagang magamit ining wikang Filipino, kun saen dapat man na magin adaptive.
Sa ngunyan pagsierto na sana kan opisyal na anuman an kakulangan kan saindang opisina kan mga nakalihis na taon, an sainda man popokoson ngunyan sa mga masunod pa, tanganing magin marhay asin maipadagos an saindang pigmamawot.
