Tanganing masimbagan an kakulangan kan classroom sa bilog na nasyon, pig-enkaminar ni Education Secretary Sonny Angara an mga negosyante na makisumaro sa gobyerno sa pagresolbar kaini.
Sa sarong forum, sinaysay kan sekretaryo na saindang papakusugon an public-private partnerships (PPP) tanganing maparekas an konstruksiyon kan mga eskwelahan.
Sa irarom kan partnership, target na matapos an mga classroom sa laog nin saro hasta duwang taon gian sa dating pig-aabot pa nin pirang taon.
Enot nang inaprubahan an 16,000 na classrooms sa irarom kan programa asin pwede pang mag-abot an numero kaini sa labi ginatos na ribu sa mga masunod na taon.
Katakod kaini, pugbubusol man kan Department of Education (DepEd) an digital upgrade kan mga eskwelahan sa tabang kan Public Achools Internet Program Connect katuwang an Khan Academy.
Para ki Angara, importante an ambag kan pribadong sektor tanganing maparekas an solusyon pag-abot sa krisis sa edukasyon.
