Plano kan Department of Education (DepEd) na magpatindog nin labi 100,000 na classroom sa tabang na man kan private sectors.
Sigun ki Education Secretary Sonny Angara, na an nasambitan ng lakdang an tanganing mapanoan an 165,000 na classroom backlog.
Ipigheras na kan sekretaryo an plano ki Presidente Ferdinand Marcos matapos na pirmahan kan ahensiya an P58.8 milyon na technical assistance partnership sa Public-Private Partnerhsip Center tanganing makapagpatindog nin 15,000 na classroom sa irarom kan PPP School Infrastructure Project.
Dugang pa kan sekretaryo na matatapos an pagpatindog kan classroom pag-abot kan 2027.
Pig-ako ni Angara na saro an kakulangan nin classroom na dakulang huma sa saiya ngunyan kaya ini an saiyang pigsisimbagan.
