NAGA CITY- Pigdugangan an numero kan mga law enforcement officers sa terminals, seaports, churches, beaches, malls, asin gabos na areas of convergence sa Bicol Region tanganing masierto na salbado asin mae-enjoy kan mga tawo an saindang Semana Santa asin summer vacation.
Marurumduman, sigun ki Department of Tourism Regional Director Herbie Aguas mapakol sa 1.7 million arrivals an piglaloman ngunyan na Semana Santa.
Pigsaysay man ni Claudio Yucot, Regional Director kan Office of Civil Defense minsan sana soboot magpuli an mga Bikolano kun kaya kaipuhan na mamantinir an paz y orden tanganing malikayan an anuman na mga katibaadan.
Katakod digde, kan nakalihis na April 7, 2025, nagkaigwa nin Regional Disaster Risk Reduction and Management Council kun saen obheto kaini na masierto na an gabos na member agencies an ma-mobilized tanganing magin smooth asin well-coordinate an pagresponde sa mga potensyal na sitwasyon.
Mapakol man sa poco mas o menos 4,000 personnel gikan sa Philippine National Police (PNP) an ide-deployed sa mga, highways, construction sites, airports asin seaports.
An presensiya ninda an kaipuhan para sa marhay na dalagan kan trapiko asin magtaong asistensiya sa mga motorista para sa salbadong pagbiyahe.
Mientrastanto, an Department of Public Works and Highways (DPWH) an ma-establisar nin Lakbay Alalay Motorists Assistance Team Stations asin manlaen-laen na strategic locations sa Albay, Camarines Sur, Camarines Norte, Catanduanes, Masbate, asin Sorsogon.
Siringman an Land Transportation Office (LTO) an ma-implementar nin Oplan Byaheng Ayos: Semana Santa and Summer Vacation 2025 na naka-pokus sa pagdakop sa mga behikulo na nag-ooperate nin mayong magkakanigong permit.
