Marahay an nagin hakbang kan Estados Unidos na i-exempt o dae na patawan nin taripa an kadaklan sa agricultural products na gikan sa Pilipinas.
Ini an kasunod kan pahayag ni Special Assistant to the President for Investment and Economic Affairs Secretary Frederick Go na nagluwas nin Executive Order si US President Donald Trump na nagsasabing an mga agri products na dae itinatanom sa US an dae papatawan kan reciprocal tariff.
Sigun ki Agriculture Secretary Francisco Tiu Laurel, an desisyon kan Estados Unidos an marahay na lakdang huli ta mababawasan an kahaditan kan mga industriya sa sektor nin agrikultura.
Haloy na kayang naglalaom an agri sector sa export market kan Estados Unidos.
Huli sa exemption, mayo nang ipapataw na taripa an kadaklan sa agricultural exports kan Pilipinas pasiring Amerika.
Kabali na digde an coconut copra oil, coconut water, desiccated coconut, fruit juices, processed pineapples, confectionary goods, fresh asin processed bananas, tuna fillets asin dried fruits.
