Dinugangan kan Seoul Western District Court an detention ni impeached President Yoon Suk Yeol sa kahaditan na baka rauton kaini an mga ebidensya kontra sa saiya na may koneksyon sa pagdedeklarar kaini kan martial law kan nakalihis na Disyembre 2024.
Pigka-anggot pa ini kan gatos na mga supporters kan dating presidente asin man nagwalat nin mga raot na bintana asin mga pintuan sa building kan korte na iyong nagtambad sa mga otoridad pagkatapos kan pirang oras na pag-anunsyar kan extended detention ni Yoon.
Gatos na mga kapulisan man an tulos na nag aksyon sa nagin protesta na ini kan mga supporters kan dating presidente na nagsabing sarong ‘unfolding situation’ an nagin pag atake kan mga ini sa korte.
Sa ngunyan, nagtitinir sa kustodiya kan Seoul Western District Court si Yoon na matinir man sa pasilidad kan dugang na 20 aldaw.
Mientrastanto, segun man sa abogado ni Yoon na si Atty. Seok Dong-hyeon, bako soboot ini an mawot asin pighahagad kan dating opisyal.
Nagpagirumdom man an abogado sa mga tagasuporta ni Yoon na dae na palalaon an sitwasyon nin huli ta pwede ini soboot makakaapektar sa mga future trials kan napasikad na presidente.
