Aminado an Department of Foreign Affairs (DFA) na mayo pa man ining impormasyon dapit sa kinamumugtakan ni Zaldy Co, an dating lehislador na kaibahan sa mga kinasuhan huli sa korapsyong nangyayari sa mga public infrastructure project sa nasyon.
Sigun ki DFA Spokesperson Asec. Angelica Escalona, mantang igwang mga naenot nang nagluwas na impormasyon dapit sa mga nasyon na posibleng kinamumugtakan kan pugante, nagtitinir pa man soboot na mayong kumpirmasyon para sa ahensiya, kun haen si Co.
Enot nang nagluwas an International Criminal Police Organization (Interpol) kan blue notice kontra ki Co, tanganing masusog kan Philippine government an paghiro kan dating lehislador.
Sa ibong kaini, nanindugan si Escalona na mayong impormasyon an DFA dapit sa presenteng lokasyon kan puganteng bilyonaryo.
Mientrastanto, sa sarong report naghapot man si Escalona dapit sa pakikipagtabangan kan iba pang mga indibidwal na kaibahan ni Co na may kinakahampang na kaso dapit sa flood control scandal, sa manlaen-laen na embahada kan Pilipinas sa ibang mga nasyon.
Sigun sa opisyal, mayong impormasyon an ahensiya dapit digde.
Marurumduman apwera ki Co 3 pa sa saiyang mga kaibahang akusado an natunton na nasa ibang nasyon.
