Pig-enkaminar ni Senador Jinggoy Ejercito Estrada sa Department of Foreign Affairs (DFA) na magsangat nin diplomatikong protesta kontra sa soboot padagos na presensya asin aksyon kan China sa West Philippine Sea (WPS), sa tahaw kan naglalangkaw na tensyon sa Middle East.
Sinabi ni Estrada na dae dapat aprobetsaran kan Tsina an atensyon kan kinaban na nakatutok sa krisis sa Middle East nganing mapalawig an presensya kaini sa pigdidiskutiran na teritoryo. Bako sana suboot an soberaniya kan Pilipinas an nakataya kundi magin an energy security kan nasyon.
Ipinahayag man kan senador na may malinaw na deretso an Pilipinas sa WPS basado sa desisyon kan arbitral tribunal asin sa irarom kan United Nations Convention on the Law of the Sea (UNCLOS). Huli kaini, an nasyon dapat na magdanay na marigon sa pagdepensa kan saiyang teritoryo asin mga yaman sa dagat.
Kasabay kaini, nangapodan si Estrada sa Armed Forces of the Philippines (AFP) na orog pang pakusugon an maritime patrol sa lugar. Sa tahaw kan isyu, igwa man nin naibareta na paglangkaw sa presensya kan mga sakayang pandagat kan Tsina sa WPS mantang nagpapadagos an orolay sa pagultanan kan Manila asin Beijing sa posibleng magkasararong eksplorasyon.
