Dai ikinokonsiderar kan Pilipinas na kabiguan an dai pagkakasapinal kan Code of Conduct o COC sa South China Sea ngunyan na taon, sa kabila kan dai pagkakamit kan target na deadline sa pamumuno kan bansa bilang ASEAN Chair.
Segun ki Department of Foreign Affairs Secretary Theresa Lazaro, dakula na an narating kan negosasyon, na kun sain 80 porsyento na kan mga probisyon sa draft kan kasunduan an napagkasunduan na kan mga partido.
Sinabi ni Lazaro na kaipuhan na sana nin dugang na panahon tanganing maresolber an mga natatada pang isyu asin makabuo nin pinal asin makabuluhang kasunduan.
Samantala, magpapadagos an negosasyon sa pamumuno kan Singapore, na siyang masunod na ASEAN Chair.
Advertisement
Advertisement














