Nagpatanid an Department of Foreign Affairs (DFA) sa mga Pilipino kontra sa pagbali sa mga dayuhang armed forces, kasunod kan report sarong Filipino national an binawian nin buhay mantang nakikipaglaban para sa sa Russia sa giyera kontra sa Ukraine.
Sigun sa DFA, an pagpartisipar sa mga armadong kariribukan sa ibang nasyon an nagbubugtak sa mga Pilipino sa matinding peligro asin pwedeng magkawsa nin seryosong legal na kapupulian. Mahiot man na pig-abisuhan an publiko na maglikay sa mga tangro na trabaho sa abroad na posibleng magserbeng takop sa recruitment para sa foreign armed forces.
Pigtawan duon pa kan ahensya na an direkta o dae direktang pagbali sa dayuhang militar an pwedeng magbalgar sa ley kan Pilipinas asin magresulta pa sa pagkawara kan pagigin namamanwaan kan nasyon.
Marurumduman sa huring parte kan Enero, pigreport kan Military Intelligence kan Ukraine na sarong Pilipino an nagadan sa labanan sa Donetsk region.
Sigun sa report, kabali soboot sa sarong unit kan Russian military.
