Pighurot kan Department of Foreign Affairs (DFA) na bako sana kaining responsibilidad an pagsierto tanganing maibweltada sa nasyon si dating Ako Bicol Party-list Rep. Zaldy Co, na wanted huli sa soboot pagkakaimbwelto sa flood control scandal.
Ini an makalihis sabihon ni Department of the Interior and Local Government (DILG) Secretary Jonvic Remulla na an DFA na an lead agencu sa pag-asikaso sa pagbebweltada ni Co, na pirang bulan nang nagtatago sa ibang nasyon.
Sigun ki DFA spokesperson Angelica Escalona, an pag-arestar asin repatriation ki Co an nangangaipuhan nin koordinasyon kan law enforcement asin judicial authorities, kaibahan an International Criminal Police Organization (Interpol).
Ini soboot sarong “whole-of-government approach” asin bako sanang nakasalalay sa DFA.
Pigtawan-duon man kan ahensiya an saindang suporta sa rule of law asin kapreparaduhang magtao nin diplomatic assistance alinsunod sa saindang mandato. Nangapodan man an ahensiya sa publiko na magato nin impormasyon dapit sa posibleng kinamumugtakan ni Co.
