Pigsierto kan Department of Foreign Affairs (DFA) na nakapreparar an saindang Foreign Service Posts enkaso maglangkaw an demand sa aplikasyon kan visa para sa mga turistang mabisita nin Pilipinas.
Sa hampang ini kan pagtabang kan mga Embahada asin Konsulada kan Pilipinas sa manlaen-laen na nasyon tanganing maka-enkaminar nin mga turista.
Sigun sa DFA, sa ngunyan, nasisimbagan man kan Foreign Service Posts kan Pilipinas an presenteng demand sa visa.
Pigsierto kan DFA na gabos kan mga lehitimong turista an matatawan nin visa tanganing makalaog sa Pilipinas.
Advertisement
Marurumduman, padagos an ginigibong lakdang kan gobierno tanganing mapakusog an turismo sa nasyon tanganing makatabang sa pagpapauswag kan ekonomiya.
Advertisement
