Nagtalaga nin mga personahes an Department of Information and Communications Technology (DICT) tanganing tutokan an mga nagkukuriyat na misinformation sa maabot na eleksiyon.
Obheto kan mga ini na i-monitor asin i-report sa ahensiya an mga madidiskubreng bako sanang misinformation kundi pati na man an mga deepfakes asin AI-generated misleading contents.
An pag-dedeploy kan mga personahes kan DICT an pigkompirmar mismo kan presenteng sekretaryo kan ahensiya na si Secretary Ivan John Uy komo pagpreparar sa nararaning eleksiyon.
Dugang pa kaini, magigin katuwang sa nasambitang ng planong pagmamatyag asin pagsugpo sa salang impormasyon an manlaen-laen na mga grupo na mawot man na makiparte sa kasagsagan kan eleksiyon.
Huli digde, nagtaong patanid an nasambitan ng sekretaryo kan Department of Information and Communications Technology sa publiko na dae tulos-tulos na magtunod sa kun anong mahiling o mababasa online.
