Nagpagirumdom an Department of Information and Communications Technology (DICT) sa mga online seller dapit sa mga dapat tandaan tangani mamantinir an kasalbaduhan asin legalidad kan saindang mga gibuhon sa digital marketplace.
Sigun ki DICT Secretary Henry Aguda, maduon kaining ipinahayag na mayong lugar para sa pagpapabakal nin mga ipinagbabawal na produkto sa online platforms.
Ini an tangani masierto na an gabos nin transaksyon an naaayon sa ley asin dae makakaraot sa publiko. Nangapudan si Secretary Aguda sa gabos nin online seller na magin responsable sa mga produktong saindang pigpapabakal.
Pigiinkaminar sindang siguraduhon na an saindang mga produkto an nagsusunod sa mga alituntunin kan manlaen-laeng e-commerce platforms na saindang ginagamit asin man sa gabos nin nag iiral na ley kan nasyon.
Dugang pa digde, pinagirumduman man kan DICT an mga nagtitinda na siguraduhong an gabos kan saindang produkto an may malinaw asin kumpletong impormasyon.
Kabali na digde an tamang presyo, paglaladawan nin produkto, asin patanid kun an produkto an pwedeng makaraot. Pigtawan duon pa kan DICT an importansya kan pag-aataman sa datos kan mga parabakal.
