Padagos an pigsasagibong monitoring ngunyan kan Department of Information and Communications Technology sa bagong paaagi kan talamak na pagkuriyat nin salang impormasyon ngunyan na nararani na an eleksyon.
Nadiskubre kaya kan nasambitan ng ahensya na an mga Advance Persistent Threat Groups ay igwang ginagamit na taktikang pig-aapod na ‘Amplifiers’. Kun saen pigheras mismo ni Undersecretary Jeffrey Dy kan Department of Information and Communications Technology, imbes na hacking, sa pag-aamplify soboot kan mga controbersyal na online video contents an sentro ngunyan kan mga hacker.
Sigun sa saiya, igwa pang ginagamit na analytics an mga ini tangani na tukuyon kun anong video an saindang gagamiton sa pagpapakuriyat nin salang impormasyon na obhetong rauton an sarong kandidato.
Paliwanag pa kaini, an mga Advance Persistent Threat Groups na pigtutukoy digde an bakong mga ordinaryong grupo na pasimuno kan saradit na hacking kundi an huma kan mga ini na posibleng makaapektar sa bilog na nasyon.
Huli digde, an nasambitan ng undersecretary kan ahensya ay nagtao na nin patanid sa publiko na dae tulos na mag-click o mag-react sa mga nahihiling post online nin huli ta sigun sa saiya, an nagkapira sa mga ini ay pigtuyong pinalakop sa manlaen-laen na social media platforms tangani sanang makua an atensiyon kan sarong indibwal
