Pigsierto kan Department of Information and Communications Technology an padagos na pakikipagtabangan sa Commission on Elections ngunyan na paparani na an eleksiyon sa maabot na bulan nin Mayo.
Pigsierto kan ahensiya na sinda an nakikipag-koordinar na sa nasambitan ng komisyon tanganing mapagprepararan nin marhay an kamawotang mapakarhay an National and Local Elections ngunyan na taon.
Pighayag mismo ni Assistant Secretary Renato Paraiso, tagapagtaram kan Department of Information and Communications Technology, sinda an nakaantabay na tanganing mamantinir na mayong bahid nin hacking o pagpalya sa gagamiton na automated election system sa nararaning pirilian.
Dugang pa kaini, duwa ngunyan na taon an sentro kan saindang pokus sa pagpreparar, enot kaining ipigheras an pinahigot na magin marhay an gagamitong sistema sa transmission kan mga balota pasiring sa server na pigtalaga kan COMELEC.
Katakod pa digde, sinaysay man ni Assistant Secretary Renato Paraiso na sainda man pigbabantayan an sistema kan COMELEC sa pagresebir asin pagbibilang kan mga boto tanganing siertuhon na an gabo na ini an siertong naggagana.
