Ipinahayag ng Department of the Interior and Local Government (DILG) ang mas mahigpit na pagpapatupad ng Safe Cities Plan sa Metro Manila bilang bahagi ng bagong “Safer Cities Initiative” para paigtingin ang seguridad at kaayusan sa mga komunidad.
Ayon sa DILG, sakop ng planong ito ang pagbabawal sa pag-iinuman sa kalye, paggamit ng videoke lampas alas-10 ng gabi, at paglabas ng mga menor de edad kapag lampas na sa curfew.
Layunin ng programa na masiguro ang mas ligtas na kapaligiran para sa mga residente at mabawasan ang mga insidente ng kaguluhan o paglabag sa batas.
Patuloy na ipaiiral ng DILG ang koordinasyon sa mga lokal na pamahalaan at pulisya upang masiguro ang epektibong pagpapatupad ng patakaran at mapanatili ang kaayusan sa lungsod.
