Nag-abiso si Department of the Interior and Local Government (DILG) Secretary Jonvic Remulla sa mga indibidwal o grupong mapurbar na mangribok sa nagpapadagos na three-day rally kan religious group na Iglesia ni Cristo (INC) sa Quirino Grandstand makalihis na magin generally peaceful an enot na aldaw kan protesta.
Sigun ki Remulla, dae ninda pigtutugutan an destabilisasyon sa gobyerno huli ta nangapudan sinda para sa matuninong na rally.
Pigtawan duon man kan sekretaryo na bilog na gabat kan ley asin hustisya an gagamiton ninda kontra sa mga destabilizers.
Katakod kaini, pinagirumduman man ni Remulla an mga magurang na dae paibahon an saindang mga aki sa mga ‘geng-geng’ o ‘gangsta’ o maski anong disorderly group.
Mientrastanto, sinabi man kaini na mas pinahigot kan Philippine National Police (PNP) an saindang security operations makalihis an nangyaring anti-corruption rally kan September 21.
